星島獨家丨姜濤取消港台訪問返歸 轉場柴灣打波被街坊捕獲

「姜出沒注意！」姜濤新一年工作大計已開始，昨日他展開電台訪問行程，宣傳第九胎新歌《鏡中鏡》，大批「姜糖」聞風到場，逼爆商台門外！不過做完商台訪問後，原本要到港台受訪，惟因港台有職員初步確診，所以臨時取消訪問，驅車落旺角「遊花園」後即過海返家；另外近日有柴灣街坊發現「姜蹤」，原來姜濤近日已由維園轉場到柴灣打波。文、圖：娛樂組

 

昨日下午2時已有大批「姜糖」守候商台門外靜待姜濤現身，更有人帶小朋友到場，小「姜糖」還「不辭勞苦」舉應援牌。等了個多小時，姜濤終於現身，司機特意開車駛到最就近姜濤的位置方便他立刻上車，他見到現場大批「姜糖」即親切打招呼，「姜糖」隨即尖叫並大讚《鏡中鏡》好聽，姜濤臨上車亦不忘跟大家揮手。

姜濤去商台接受訪問。

好多「姜糖」呀。

小「姜糖」。

 

姜濤原定到商台受訪後接着到港台接受《騷動音樂》訪問，但因港台普通話台一名主持出現初步確診個案，姜濤即取消港台行程。之後記者尾隨姜濤的座駕到旺角，在附近兜了近半小時仍未到目的地，未知是否想撇甩記者，兜了又兜最終驅車返銅鑼灣寓所。

轉場柴灣打籃球

此外，近日有柴灣街坊在區內多次拍到姜濤打波的照片，事緣身為銅鑼灣街坊的姜濤本常在維園打籃球，但該場地因早前舉行工展會而封場，姜濤偕波友轉場到柴灣打波。本月中，姜濤將跟隊友Ian（陳卓賢）及193（郭嘉駿）等拍攝籃球主題新劇。

因為工展會，維園冇得打波，姜濤轉去柴灣打。

見到姜濤打波遠遠睇佢好嘞。

 

立即下載 | 全新《星島頭條》APP : https://bit.ly/3yLrgYZ