獨家丨余詠珊讚姜濤有志氣走向巨星級 搞選秀Show《就是青春》搵正能量新人

2022-01-07 23:15
余詠珊當初曾低估姜濤及MIRROR嘅威力。
余詠珊當初曾低估姜濤及MIRROR嘅威力。

姜濤喺《叱咤》奪得兩個我最喜愛大獎,仲揚言要帶領香港樂壇走向「亞洲第一」。曾經低估咗MIRROR威力嘅前無綫助理總經理余詠珊(Sandy)大讚姜濤好有志氣,希望佢有機會做到21世紀天王!而即將為「開電視」搞歌唱選秀節目嘅Sandy堅持唔會以打低MIRROR及聲夢做目標,而係發掘一班與別不同嘅新力軍,跟鏡仔並肩而戰。採訪:方騫平 攝影:沈健程

開始部署  余詠珊為《就是青春》曾靜雞雞去咗學校,發掘一啲識唱歌嘅學生。
開始部署 余詠珊為《就是青春》曾靜雞雞去咗學校,發掘一啲識唱歌嘅學生。

 

超有人氣 姜濤係人氣王。
超有人氣 姜濤係人氣王。

 

人生污點  余詠珊曾低估MIRROR威力搞到一地玻璃碎,更形容係人生污點。
人生污點 余詠珊曾低估MIRROR威力搞到一地玻璃碎,更形容係人生污點。

余詠珊與前星夢娛樂行政總裁老公何哲圖(Herman)離開TVB後,首項工作係跟香港開電視合作,4月推出全球歌唱選秀騷《就是青春》。初步計劃由30至40人開始慢慢淘汰,Sandy開出嘅選秀條件好簡單,就係要有青春帶出正能量,會唱歌跳舞有才華,但唔一定係靚仔、靚女:「我哋對於揀人冇乜限制,佢哋嚟到,我哋睇吓佢哋嘅狀態,就算參加過幾多次其他比賽都唔係問題,只要覺得適合就加以培訓。」唯一她堅持唔會做男團及女團:「我睇唔到點解要咁做?一個團隊仲難畀人認識啦!」

冇睇造星  余詠珊唔想受影響,所以冇留意《全民造星IV》三甲得主。
冇睇造星 余詠珊唔想受影響,所以冇留意《全民造星IV》三甲得主。

 

專心製作  余詠珊做返最耍家嘅節目製作,希望退休前同自己有個交待。
專心製作 余詠珊做返最耍家嘅節目製作,希望退休前同自己有個交待。

睇好姜濤做21世紀天王
Sandy發掘新血獨具慧眼,除咗昔日有線新聞台主播陳貝兒、黃翠如、洪永城及李佳芯外,仲有一眾《聲夢》炎明熹、姚焯菲、鍾柔美及詹天文等。唯獨初頭曾睇低MIRROR威力搞到一地玻璃碎,𠵱家就另眼相看,她讚不絕口:「我都覺得姜濤及MIRROR勁㗎!佢哋呢班樂壇新勢力真係成就嚟㗎!而且佢哋好喺狀態,我覺得姜濤有『亞洲第一』呢個諗法好有志氣,佢唔係止係諗自己,係要香港樂壇喺亞洲攞返一席位,咁後生,有志氣最好啦!只要keep到個志氣及狀態向前行,一路冇變初衷就會慢慢走向巨星級,希望佢有機會做到21世紀天王,(姜濤有乜要改善?)大家唔好再挑佢骨頭,佢已經做得好好。其實我鍾意佢哋(MIRROR),覺得佢哋係好正面嘅後生仔,肯為個樂壇做啲嘢。」

獨具慧眼  由余詠珊夫婦發掘嘅聲夢女團「After Class」好受歡迎。
獨具慧眼 由余詠珊夫婦發掘嘅聲夢女團「After Class」好受歡迎。

 

唔會挖角  余詠珊無意挖走「有線幫」藝人,指他們經已喺TVB有一定位置。
唔會挖角 余詠珊無意挖走「有線幫」藝人,指他們經已喺TVB有一定位置。

 

世紀天王  余詠珊睇好姜濤成為21世紀天王。
世紀天王 余詠珊睇好姜濤成為21世紀天王。

 

成長經歷  姜濤都有壓力爆煲嘅時候,余詠珊話係藝人成長必經階段。
成長經歷 姜濤都有壓力爆煲嘅時候,余詠珊話係藝人成長必經階段。

期待香港樂壇百花齊放
Sandy講明唔會以打冧ViuTV造星女團、MIRROR及聲夢女團「After Class」為目標:「香港咁少人唔好諗隊冧人啦,最希望所有人都忽然間聽返音樂,覺得香港娛樂圈好勁,打冧人冇用㗎!玩隻揪永遠得一隊人好慘,等於80、90年代樂壇唔止有四大天王,仲有林憶蓮、陳奕迅等好多人咁,樂壇先會蓬勃,香港最好多啲年輕樂手幫樂壇,大家做唔同嘅嘢可以百花齊放,香港娛樂圈先會多啲活力。」 

樂壇紅人  林憶蓮及王菲都係80年代樂壇紅人。
樂壇紅人 林憶蓮及王菲都係80年代樂壇紅人。

 

四大天王  80年代四大天王雄霸樂壇,至今仍然好有地位。
四大天王 80年代四大天王雄霸樂壇,至今仍然好有地位。

 

緊胋民意  去年TVB勁歌頒獎禮被指自己友玩晒,余詠珊解釋係按民調報告。
緊胋民意 去年TVB勁歌頒獎禮被指自己友玩晒,余詠珊解釋係按民調報告。
聲夢傳奇  當日兩夫婦用心揀選聲夢傳奇學員,搵埋星夢歌手開記者會。
聲夢傳奇 當日兩夫婦用心揀選聲夢傳奇學員,搵埋星夢歌手開記者會。

 

支持合作  余詠珊覺得TVB同港台合作搞《香港金曲頒獎禮》係好事,其實幾年前都計劃過搞四台聯頒。
支持合作 余詠珊覺得TVB同港台合作搞《香港金曲頒獎禮》係好事,其實幾年前都計劃過搞四台聯頒。

立即下載 | 全新《星島頭條》APP : https://bit.ly/3yLrgYZ 

關鍵字

最新回應

關鍵字

相關新聞