姜濤深情扮唱《勁浪漫超溫馨》 湯令山冇佢咁好氣

姜濤在社交平台上載拍《12》MV的花絮，場地喺學校，背景音樂係湯令山(Gareth.T)的作品《勁浪漫超溫馨》。

12子齊集位於黃竹坑的香港仔工業學校拍攝《12》MV。 ​

眾所周知，姜濤曾大讚Gareth.T有音樂才華，更因為有佢先夠膽喺叱咤台上講，「我哋呢個地方一定會係亞洲第一。」

姜濤在今年叱咤奪得「我最喜愛的男歌手」及憑《Dear My Friend,》得到我最喜愛歌曲。

 

鏡頭返去花絮片段，姜濤深情地望向鏡頭做口形唱出《勁浪漫超溫馨》，其間托吓眼鏡，成個神態都超得戚。然後鏡頭突然往左移，咦，呢個咪湯令山，佢一見鏡頭就即刻指返姜濤，鏡頭隨即轉移視線向姜濤方向拍攝，最後姜濤繼續古靈精怪，仲露出招牌可愛笑容，「姜糖」們頂唔頂得住呀?

 

姜濤一開始扮cool唔望鏡頭。

 

之後又望住鏡頭深情演唱湯令山作品《勁浪漫超溫馨》。

 

姜濤托住副眼鏡嘴郁郁勁得意。

 

鏡頭突然往左移，咦，呢個咪湯令山。

 

佢一見鏡頭就即刻指返姜濤。

 

最後姜濤仲露出招牌可愛笑容。

 

湯令山今年22歲，跟姜濤同年。

 

立即下載 | 全新《星島頭條》APP :https://bit.ly/3yLrgYZ