陳嘉慧不捨《衰神》大結局谷婭溦爆遭許俊豪掌摑見暈

2022-01-07 15:30

TVB劇集《愛上我的衰神》自播出後好評不斷，昨晚（6日）討論點是北河（胡鴻鈞及馮皓揚分飾）與哲人（許俊豪飾）大戰後，受傷入院並進入彌留狀態；由於北河就當年對小渝（陳嘉慧及區明妙分飾）見死不救一直耿耿於懷，彌留期間不斷返往小渝遇險一刻，並出盡辦法阻止哲人殺人！可惜最終仍不得要領。由於該幕北河一直在睡醒、救人、失敗之間循環，小渝亦死完又死，網民紛紛留言表示想起經典電影《西遊記之月光寶盒》至尊寶（周星馳飾）勇救白晶晶（莫文蔚飾）一段，並指替死了無數次的區明妙感到疲累。問到區明妙到底死了多少次？監製方駿釗說：「劇入面四次左右，但拍嗰晚都死咗有三、四十次。嗰場被殺戲都拍咗成晚，大概十個鐘，區明妙一直都成身血，但佢都冇話辛苦，鏡頭外仲係咁同人玩好開心。」

區明妙鏡頭前入戲十足，但一拍完戲又可以玩得咁開心。

年青版北河無論點樣回到過去，都無法改寫歷史。

谷婭溦飾演的阿欣亦備受網民讚賞，首度拍劇的她被指演技合格有餘，亦有人笑指是因為對手許俊豪太嚇人，小谷才如此投入：「谷俾人縛住嗰度，演到真係好驚，喊又真係眼紅鼻紅，反而文戲要再磨練吓。」另小谷專誠為該劇創作的插曲《我要和你在一起》，在網上亦掀起連番好評，網民直指歌詞到肉、旋律動人，配以劇中唯美畫面很動人；原來小谷收到劇本後十分感動，即時執筆作曲兼即晚完成作品：「證明個劇本真係好有感染力。」小谷又指由於許俊豪手掌和力氣很大，故遭其掌摑一幕一度見暈：「真係好痛同埋好暈，佢隻手幾乎大過我塊面。」

小谷真係做到好驚嘅表情，完全睇唔到係第一次拍劇。

呢一巴搞到小谷滿天星斗。

至於首度擔正女主角的陳嘉慧，受訪時坦言感謝監製及不捨《衰神》：「今晚就係最後一集，好唔捨得，我啲屋企人都係，佢哋晚晚喺海外都追緊。我覺得自己好幸運，入行短短四年就有咁好嘅角色，真係要多謝嘟嘟監製嘅選擇同信任。喺演技上我知道我仲有好多進步空間，但都好多謝一班網民嘅支持同喜愛。我依家出街都多咗好多人認識，有好多人特登走過嚟話套劇好好睇，真係好開心，好多謝三位編劇寫咗一個咁精彩嘅故事。」晚晚有驚喜的《衰神》，大結局除了會交代小渝與北河的最終結局，亦會交代包包（麥美恩飾）死因，由於包包死因十分難估，故麥美恩曾在直播期間許下豪言謂：「包你哋估100次都估唔到，如果估到我即刻脫掉！」監製亦溫提表示，大結局播畢後，大家千祈唔好行開：「出完字幕會有個彩蛋，都幾特別，或者可以解開大家某啲迷思。」