獨家丨陳嘉慧最尊重大師兄張振朗 首當女一壓力大要游水減壓

2022-01-06 22:45
陳嘉慧最尊重大師兄張振朗 。
陳嘉慧最尊重大師兄張振朗 。

 TVB正力捧年輕新人上位,25歲嘅陳嘉慧(Erica)火速成為新劇《愛上我的衰神》女主角。處女下海孭重飛,Erica坦言有壓力,加上角色有啲沉重,拍罷後要去游水減壓。當問到係咪乘機晒吓身材,公開內外兼備?Erica即耍手擰頭否認:「唔係呀!只係想畀人睇到我煥然一新咋。」採訪:方騫平 攝影:葉君海 髮型:Terence Chan 化妝:Ivymakeuphk 服裝:Myaleshia 場地:浪.居酒屋

陳嘉慧相信付出努力一定會有人睇到。
陳嘉慧相信付出努力一定會有人睇到。

陳嘉慧受《降魔的2》監製方駿釗賞識,新劇《愛上我的衰神》搵她首當女一,劇中派衰運畀胡鴻鈞,不過,因憐生愛發展出感情來,陳嘉慧最難忘要獻出螢幕初吻給胡鴻鈞。

對於獻出螢幕初吻畀胡鴻鈞,陳嘉慧坦言有啲怕醜。
對於獻出螢幕初吻畀胡鴻鈞,陳嘉慧坦言有啲怕醜。

 

新劇首當女一,劇中派衰運畀胡鴻鈞。
新劇首當女一,劇中派衰運畀胡鴻鈞。

被胡鴻鈞整蠱
Erica憶述說:「初拍kiss戲,roll機時本能反應係要避開,所以好自然會推開佢,拍呢場戲正值係凌晨4點幾,為咗唔好阻人收工,唯有鼓起勇氣,嗱嗱聲拍好佢,睇返Playback都覺得有啲怕醜。而胡鴻鈞知我嘅『第一次』係會有啲緊張,佢就帶住我去拍,又搞Gag問我『感覺點呀?舒唔舒服?好唔好咀?』佢成日整蠱我㗎,真係頂佢唔順,可能劇中佢冇乜嘢講,所以鏡頭以外變成開籠雀。另外,因為有場戲喊到好崩潰,拍完頭幾日都仲係心情低落,好彩當時喺夏天可以約埋劇組出海放吓電。」

其中有場戲陳嘉慧喊得好崩潰。
其中有場戲陳嘉慧喊得好崩潰。

 

陳嘉慧身材幾養眼。
陳嘉慧身材幾養眼。

陳嘉慧畢業於第29期電視藝員訓練班,入行僅4年已「升呢」做女一坦言好幸運,她稱好尊重訓練班大師兄張振朗:「我同佢唔熟,年前同佢拍《機場特警》,我只係演護士仔小角色,但佢好主動幫我向劇組提出除口罩出鏡,等新人有多啲曝光機會,佢真係好照顧後輩㗎。我喺佢身上學到要keep住演戲熱誠唔好氣餒。」

她由張振朗身上學到要keep住演戲熱誠唔好氣餒。
她由張振朗身上學到要keep住演戲熱誠唔好氣餒。

 

《降魔的2》陳嘉慧瞓垃圾堆演出。
《降魔的2》陳嘉慧瞓垃圾堆演出。

 

陳嘉慧好尊重訓練班大師兄張振朗。
陳嘉慧好尊重訓練班大師兄張振朗。

立即下載 | 全新《星島頭條》APP : https://bit.ly/3yLrgYZ

 

關鍵字

最新回應

關鍵字

相關新聞

熱門文章