吳若希返小學探老師遭同學爆料 細個高人一等講嘢有鄉音

29歲吳若希呢一年積極經營個人YouTube頻道「Jinny Ng 吳若希」，基本上每隔一星期就會上載一條影片。自上年二月開始發佈第一條影片《【相敬如賓週】揭露夫妻不和? 吳若希公主病發?! 逼老公做愛做的事》後，上載片量累積32條，有一萬六千個訂閲者支持。上一條影片就講到吳若希返中學探老師，中學老師攞住當年吳若希寫畀佢嘅信同大家開心Share！今集吳若希邀請一位佢話勁似周柏豪嘅靚仔小學同學帶大家重遊小學必經之路，一齊講吓小學生時代嘅生活點滴。

 

今集帶大家重遊小學。

 

吳若希​讚呢位小學同學勁似周柏豪。 ​

 

吳若希一開始先去探學校附近開海味舖的同學仔爸爸，Uncle即場請佢食鮑魚。吳若希隨即分享：「以前小學經常經過呢度附近，因為媽媽曾經喺福來邨附近嘅菜市場嘅理髮店幫人染髮。」

睇吓佢食到咁陶醉，就知道幾好味嘞！

 

下一幕吳若希在靚仔同學陪同下去到附近的雜貨鋪，一齊分享小學的玩意，即場玩彈珠機。

 

玩到坐埋喺度。

 

見到細個玩嘅玩具。

 

細個特別鍾情呢款多功能筆盒。

 

走到學校門口，問到靚仔同學對吳若希的印象？他答：「點解有同學跟老師差唔多高？可能男仔發育比較遲，當年都係好似細路仔咁望住你，生得特別高。」吳若希大笑回應：「我成日都覺得你細個好似我細佬咁，完全可以搭住你。」吳若希隨即向同學提問：「你記唔記得你笑過我。」同學一臉驚訝回應：「唔記得！」吳若希大談當年被取笑是一件好的事情，因為當時剛剛移民嚟到香港，「塗改液會講錯塗改（葉）」廣東話說得不清楚，但被取笑有所進步。

 

入學校嗰陣要分開排隊。

 

小學同學透露吳若希細個已經好高大！

 

吳若希最後在小學中文老師的帶領下進入校園，然後逐一跟小學老師擁抱及與舊生拍照。

 

吳若希好開心小學老師話認得自己。

 

同學生講拜拜！

 

最後同小學老師影相留念。

 

 立即下載 | 全新《星島頭條》APP :https://bit.ly/3yLrgYZ