薛家燕被批虎年有機會授勳 讚學生宋宛穎做主持表現佳

TVB賀年節目《新春開運王》已經拍攝到第五輯，今年薛家燕「冧莊」孖學生港姐冠軍宋宛穎及周志康一同主持，請來三位玄學師傅包括李居明、李丞責及麥玲玲，走遍全港；食盡各地美食，為大家推測虎年運程時，三位師傅異口同聲表示：「大家要嚴陣以待對抗疫情，注意衛生！」

屬虎的家燕姐今年雖然本命年犯太歲，但三位師傅贈言她來年依然運程唱好。其中李居明指家燕姐新抱在這兩年易再度有喜，而李丞責則指家燕姐來年會得獎或勳銜，事業更上一層樓，麥玲玲則指她家宅富貴平安，更送贈富貴竹，家燕姐笑言：「承佢哋貴言，虎年我犯太歲，但佢哋睇過我個大運應該冇乜問題，只係可能會有小毛病，玲玲師傅叫我小心關節。」

家燕姐今年又再主持賀年節目《新春開運王》。

 

李丞責（左二）指家燕姐來年會得獎或勳銜。

 

而家燕姐大讚學生宋宛穎出任主持表現出色，家燕謂：「佢好勤力、口齒伶俐，又有禮貌，有幾位嘉賓都讚佢唔似一個新主持，十足好有經驗咁，其實佢係初次做，我欣賞佢學習態度，正如佢以前細個好專心又有熱誠，又靚女，今次好得意，我兩個拍檔都係孖胎，周志康又係孖仔，宋宛穎又係孖，都係難得嘅事。」

今次家燕姐跟周志康及宋宛穎一同出任主持。

 

立即下載 | 全新《星島頭條》APP : https://bit.ly/3yLrgYZ