熱褲妻蘭桂坊街頭遭「撻生魚」 躁夫：我做錯乜？

中環蘭桂坊發生打鬥事件，一名男子於蘭桂坊街頭與穿着熱褲的女子糾纏打鬥，雙方一度倒在地上拉扯及起腳互踢，男子其後更衝前將女子重摔在地上，現場圍觀人士大叫「你老婆嚟㗎！」，影片於網上引起熱論。

據網上流傳影片可見，片長約1分鐘，一名穿衞衣的男子於中環蘭桂坊近德己立街雲咸街交界，與一名身穿淺色外套及熱褲女子在街頭糾纏扭打，期間間雙方倒地拉扯，多番起腳互踢，男子更抓着女子吼問，「你做乜X嘢呀？我有乜X嘢做錯。你講呀！你講呀！你講呀！你講我有咩做錯？你打我？傻X咗呀？」。女子多次伸腳踢向男子企圖掙脫，旁邊一名黑衣女子嘗試拉開雙方惟未能成功。

其後一名雙手各持一碗魚蛋的皮褸男上前嘗試勸止不果，豈料女子再次站起之際，男子竟再度衝前，毫不留情地將女子重摔在地上，女子當場失去知覺。現場多名途人圍觀起哄，有人大叫：「你老婆嚟㗎！」，皮褸男不值男子所為，衝前大力推開對方至圍欄，並怒斥「你乜X嘢都做錯呀！」。現場多人則查看熱褲女受傷情況，片尾最後見到有警員趕及現場了解。

影片於多個社交程式群組瘋傳，許多網民批評涉事男子不應打女人，「講咩都好，都唔應該郁手打人，仲要係女人。」、「打人唔啱，何況係女人」、「唔啱，咪離婚囉， 洗乜打」、「有咩唔啱，都唔應該當街咁樣打老婆！」。

影片來源：lankwaibrawl

立即下載 | 全新《星島頭條》APP : https://bit.ly/3yLrgYZ