張寶兒分享慶祝結婚周年 袁偉豪指老婆是其第一桶金
2021-12-11 11:00 
袁偉豪（Ben）與張寶兒（Bowie）去年11月結婚，日前特別到酒店Staycation慶祝結婚一周年，而Bowie更將過程拍成短片於她的YouTube頻道播放，片段甫開始先見到酒店房內的巨型睡床，認真香艷，Ben笑說：「呢個就係我哋周年紀念嘅主菜喇，大家明啦！」
兩人大談結婚一年以來的感覺，Ben則認為婚後生活非常舒適，雖然有工人姐姐幫手，但Bowie坦言兩人會為了做家務而起爭執：「我好想幫你手，但我真係好唔叻做家務，所以我不嬲都話我生出嚟就唔係做家務嘅材料，唔應該咁用我囉！」對於Ben的使費，Bowie就有些怨言：「你鍾意買車同買玩具，因為你細個嘅時候冇滿足到自己，所以你一有能力就買返晒全部返嚟，但喺我嘅角度會覺得你已經捱咗咁多年，咁有一筆資金嘅時候，係咪應該好好咁拎去投資呢？」Ben竟說：「我投資咗啦，投資喺你身上囉！我賺到人生第一桶金就係娶咗張寶兒做我老婆。」
Ben坦言為娶Bowie用盡身家：「坦白講結婚已經係差唔多用晒我所有嘅錢，所以我就話賺到第一桶金就係娶咗呢個老婆返嚟，呢個係一個非常之大嘅滿足感，當然我娶你過門嘅時候真係用咗好多積蓄嘅，但我覺得呢個係人生嘅經歷嚟嘅，而我仍然有生產能力，做嘢賺錢，使晒啲錢咪再搵錢囉。」
最新回應