張敬軒3D廣告大到嚇親人 網民稱掛住睇過唔到馬路

張敬軒最近不停打破紀錄，繼10月以破紀錄登高逾246米避雷針為演唱會拍攝海報；現在正於紅館展開18場的《The Next 20》演唱會，打破自己以往個唱場數紀錄；最近，他跟香港時尚雜誌合作，拍攝首條「Naked-eye 3D」宣傳片，成為全港首位藝人登上香港首個「Naked-eye 3D」廣告螢幕。

軒仔正在紅館開唱中。

 

軒仔的宣傳片日前於中環興瑋大廈外牆首播，不少人都大讚廣告的3D效果，由於廣告位置馬路之上，一眾網民坦言掛住睇軒仔「呢世都過唔到馬路」，「呢條馬路該過極都過唔到」、「應該有好多人企喺度掛住睇唔過馬路 #包括我」、「呢個路口開車好危險……顧住睇你唔睇路」等，除此之外，更有fans站在街上等軒仔「出現」等足半個鐘廣告開播，認真瘋狂。

軒仔成為全港首位藝人登上香港首個這廣告螢幕。

網民留言截圖

 

成為首位藝人登上香港首個這廣告螢幕，軒仔表示十分榮幸：「之前都有睇到其他地方嘅呢個廣告螢幕，真係3D到好3D，哈哈。仲諗香港幾時會有，所以今次可以成為位呢個3D廣告螢幕嘅一份子，真係好開心，自己都好想落去睇吓。」對於有fans話「過馬路有困難」，軒仔笑說：「希望我唔會嚇親大家。」