洪嘉豪疑自爆將做張敬軒個唱嘉賓 怕Fans搞亂日子買錯飛

洪嘉豪（Kaho）出道3年半，唱得又有創作底，近期人氣急升。近日有傳正開紅館個唱的張敬軒，已邀Kaho擔任其個唱嘉賓，更連日子都流出，有指是下月6日。不過昨日有網民指，Kaho於TG群組向Fans溫提，他並不是下月6日張敬軒個唱的嘉賓：「我唔想大家特登為我買飛入場，但又見我唔到，但我又唔出聲，所以我想同大家講6號做嘉賓呢件事係錯嘅。」

 

外傳Kaho下月6日做軒仔個唱嘉賓，不過Kaho疑向Fans透露有機會係下月8日先啱。

 

一向錫Fans嘅Kaho，冒住「機密」流出的風險，向Fans明示暗示，講埋有機會做嘉賓的日子：「我聽聞就係8號，不過我非常希望大家唔好將消息外流啦，我錫你哋，你哋錫返我。」不過呢番疑似是Kaho與Fans講的秘密，就被網民放到「演唱會門票交易平台（自由市場）」專頁，稱洪嘉豪將於下月8日擔任張敬軒個唱嘉賓。個Po傳到去連登討論區就被網民嘲笑：「專登買飛睇佢？佢邊位？」不過就有更多網民留言力撐Kaho，指呢個訊息是給Fans的，不應該流出，而且睇演唱會唔係睇嘉賓，Kaho溫提都係出於關心Fans。但未知Kaho是否看到訊息流出，今日於IG限時動態表示：「Sad到盡頭。」

 

個訊息傳到去連登討論區，有網民竟然咁樣講。

 

都有網民力撐覺得冇問題。

 

相信Kaho得倨訊息外流佢都好唔開心呀！

 

Kaho喺IG限時動態話：「Sad到盡頭。」未知係咪關於呢件事。

 

其實不要以為Kaho與張敬軒大纜扯唔埋，早於2018年Kaho勇奪叱咤樂壇生力軍金獎，他就於台上特別多謝張敬軒。因為他的出道作品《半天空檔》，派歌前被張敬軒在社交網大讚，除了是欣賞Kaho的才華，亦因為Kaho曾任張敬軒演唱會的舞台工作人員，張敬軒曾將在綵排時，讓Kaho代唱《櫻花樹下》，然後親自到台下監聽音響。

另外亦有指Kaho的媽媽其實是張敬軒的恩人，16年前是由Kaho媽媽帶張敬軒由廣州來港發展，可見二人好有淵源。

 

Kaho於2018年奪叱咤樂壇生力軍金獎，於台上特別多謝張敬軒。

 

Kaho近日不時孖住超人氣師弟張天賦（MC）出活動兼開騷。