阿Dee撰千字文抒發《造星IV》感受 以老竇身份為16歲Ariel打氣

組合ERROR成員何啟華（Dee）在ViuTV選秀節目《全民造星IV》擔任導師，帶領「Dee組」成員Ariel（曾家瑩）、Kinki（盧芷韻）、Day（許軼）、So Ching（蘇芷晴）及馬欣（馬彩欣）出戰，賽後令他有所領悟，昨日（23日）更破例為成員打了一篇千字文抒發感受，他更利申：「此Post並非拉票活動，投票係每個人嘅自由，而二十位總決賽選手都公平地享有被投與不被投嘅權利。」

 

阿Dee帶領「Dee組」比賽有深刻的領悟。

阿Dee稱是輸得最大徹大悟的一場比賽。

令到阿Dee打上長文的參賽者，是其帶領的16歲Ariel（曾家瑩），她是節目中年紀最細的參賽者之一，阿Dee指比賽中睇到Ariel的努力，他寫道：「因為全民造星四，我品嘗到由我出道成為Dee@Error以嚟，輸得最大徹大悟嘅一場比賽；雖然明白失敗乃成功之母但難免有一種付諸東流嘅感覺，不過亦因為咁，命運迫使我遇到一個跳Popping又寫Rap嘅16歲Sei Lang Mui ！？（簡稱 #SLM：死o靚妹）」。

 

阿Dee利申其所撰的長文並非拉票活動。

Ariel被爆曾因壓力及緊張而要入廁所嘔。

 阿Dee指某一日即興抽數分鐘時間教成員一些基礎的Popping技巧，到夜晚圍住傾表演時，SLM消失了在其視線範圍內，原來Ariel當時正對鏡練Popping。 阿Dee續寫道：「因為佢好學、肯練、對自己有要求，呢個排練過程比我想像中順利得多，我相信造星4嘅人與事的確令佢成長得好快，佢對討論表演狀態時，佢嘅觸覺同理解，我覺得已經超越咗同齡應有嘅水平，要短時間內進步嘅能力係絕對有，剩底嘅只有『信心』問題」，他又爆料SLM排練總決賽表演期間，因為突如其來的壓力及緊張感，而入廁所嘔，嘔完出來又是一條好漢繼續練。」

 

阿Dee呼籲去Ariel的社交網打打氣。

阿Dee指「SLM」好學、肯練、對自己有要求。

因此阿Dee想給予Ariel一點鼓勵，「『萬事俱備 只欠東風』，#雯雯 #羊群 真主想向大家借一個『東風』，畀佢感受一下羊毛嘅溫暖，雯雯嘅溫柔，入佢IG @oreohh 留個like或打氣嘅留言俾Ariel，幫我輕輕沖一沖走佢比賽路上所閱讀嘅負面留言遺留下來嘅輻射。阿囡，只要你相信自己就會發光，係真㗎，因為我見過，Good show！#去享受你的原創歌 #你發光時比對鞋更光 #無論結果如何 #老竇ProudOfYou」。
 

阿Dee打的千字文，真係好長。