Juicy叮｜拍過廣告劇集自當「明星」 舊同學全黑裝赴婚宴耍大牌被批
2021-12-23 22:45 
有網民在「香港討論區」發文，稱其一名舊同學拍過一些廣告劇集就自以為是大明星，赴同學婚宴都不可一世，引來網民不屑。
發文者說，對方是明星可能是誇大，其實只是拍過少許廣告和劇集的「茄喱啡」，見對方社交網站偶爾會出席些商業活動，「唔知算唔算係3,4線呢？」
之前有位舊同學結婚，請了很多賓客包括這位「明星」，兩人本身中學時都算友好，所以對方出席都不算奇怪，「不過人哋結婚，你著到成身黑色，戴埋黑超，成副裝備咁好難唔引人注目」。別人認得出這位「明星」打算上前打個招呼時，「佢就以為自己好紅，好酷咁同人講『我唔會影相嫁』，搞到人哋鬼死尷尬」
發文者說，「咁到大家成班舊同學大合照，佢就係都要企中間，又要攞晒pose咁影，唔講我仲以為佢要拍廣告硬照。最後嗰時，佢仲要同我哋班舊同學講，叫我哋唔好po佢張相上ig」。
發文者不屑對方行為，直指「態度寸到我以為佢已經紅到上太空咁，真係唔怪得佢大學畢業入行到依家仲係做二打六」。
帖文轉載自「舊同學做咗「明星」，態度串到冇人有...」。
最新回應