異搜店｜樊奕敏演苦命雞婆搞到甩髮 李君妍被讚短髮真女神

TVB新劇《異搜店》首個單元故事主角為黃少娣（樊亦敏飾）、韓昇（陳嘉輝飾）、韓子晴（李君妍飾）及陳美娜（甄詠珊飾），劇情講述娣因患腦癌變得暴躁，致與老公昇及女兒子晴關係決裂；昇及後移情娜，子晴亦離家出走。在娣病危之際，韓家之前供奉的守護神公雞神像阿Gai出現，並引領子晴見回病母。昨晚（22日）一集有不少感人場口，樊亦敏不但放下包袱「哩啡」演出，更不時爆Seed破口大罵！對於樊亦敏唔搞笑轉玩悲情，網民均大為受落，除對其遭遇大表同情，並大讚她演得出色。

樊奕敏演的雞婆因患腦癌變得暴躁。

樊奕敏角色患重病，個妝化到泥黃色。

喜獲好評的樊亦敏正身在內地，她接受電話訪問時連番感謝幕後一眾功臣：「多謝監製信任我，多謝梳化服同事設計嘅造型，真係幫到我進入角色。今次呢個角色都幾有挑戰性，因為患病都幾嚴重，所以個妝唔會係靚妝，甚至會化到泥黃色。同埋因為要進入狀態，對日常情緒係有影響嘅，我入咗角色後都甩咗一撮頭髮仔。」網民對於飾演子晴的君妍亦讚不絕口，「唔係人人Carry到咁短頭髮，李君妍係真女神。」除了讚君妍樣靚身材正外，學生妹造型有吸引力兼有說服力外，更力讚她演技好。

君妍獲網民讚短髮女神。

君妍還有校服Look。

另外，首拍劇集的麥秋成在劇中飾演二手店太子爺，但演衰人穿櫃桶，卻意外贏得大量正評，秋成對此坦言開心：「始終第一次參演TVB劇集，會緊張觀眾反應，聽到有網民話想兜巴星我，證明都做得到角色要求。老婆湯怡話覺得好好笑，因為未見過我呢一面。」

麥秋成因穿櫃桶激到老竇心臟病發。

樊奕敏角色未病前的師奶Look。

陳嘉輝與李君妍得知樊奕敏患重病後父女傷心痛哭。