Bob踩場《讀心專家》 松明終於失手

TVB遊戲節目《麻雀鬥室三決一》眾主持薛家燕、林盛斌（Bob）、吳若希、戴祖儀與鄭衍峰踩場《讀心專家》昨晚（16日）播出，有備而來的Bob反客為主，一直跟「亞洲讀心第一人」松明說：「你今次會錯啦，死啦，慘啦，松明，你就輸咗喺我手上！估唔到你拍咗咁多集，今次就輸咗，真係！」

鄭衍峰和戴祖儀一開場就被松明KO了！

 

 

 

跟住家燕姐和吳若希叫咩牌都給松明估中。

先順利控心鄭衍峰和戴祖儀揀選骰仔數字後，就由吳若希、家燕姐和Bob各自排一手叫糊的牌，松明讀心成功3人做的牌後，再讀出他們叫的2隻牌。成功通過吳若希和家燕姐後，Bob揭開原來叫「一萬」和「九萬」，松明果然失手只讀中「一萬」，Bob已謂：「好叻㗎啦！」松明也讚Bob：「你…好犀利！」

 

 

 

Bob被問是否「七萬」刻意咪眼，誤導了松明。

Bob在社交網貼上與松明搭膊合照，大讚對方勁！

Bob識英雄重英雄，今日在社交網貼上與松明搭膊合照，留言：「唔好再問我真定假，我只可以認真講一句：『佢真係癲㗎！』」在回覆陳敏之「好想試吓」留言時，Bob再大讚：「勁到痴（黐）線」!