青春本我｜炎明熹壓力爆煲發火鬧人 聲夢學員通通被嚇親
2021-12-17 13:00 
TVB青春劇《青春本我》於周日（19日）晚播出的第三集，劇情重點落在炎明熹（Gigi）身上。由於父母婚姻出現問題，Gigi不但失眠兼冇胃口，更一直鬱鬱寡歡，唯一的傾訴對象只有愛貓「春卷」。某天，因為珍而重之的耳機被同學弄壞，Gigi終按捺不住負面情緒終極爆Seed，最終Miss Wong（JW飾）介入事件。昨晚播出新一集的預告片中，平時說話陰聲細氣的Gigi，片中放大喉嚨兼雙眼通紅地鬧爆同學：「唔好激動？你唔叫佢哋唔好激動？依家係佢哋有問題，點解你叫我唔好激動呀？」、「你一句Sorry就可以整爛人哋最寶貴嘅嘢？」
雖然Gigi是演戲新丁，但仍能感受到其百分百的投入，Gigi亦坦言相關場口挑戰性很大：「因為我平時好少發脾氣。」對於Gigi難得發火，眾「聲夢」學員也大表震驚，紛紛表示嚇親：「因為平時真係冇見過佢咁樣，嗰一幕我哋都唔敢同Gigi對望。」Gigi又感激劇中父母姜皓文及陳煒對其貼心照顧：「佢哋真係好照顧我，如果我犯錯佢哋唔會即刻話我，但會諗辦法慢慢引導番我。」
最新回應