吳卓羲新戲一反正氣形象扮演不忠狠心假面醫生

2021-12-15 13:00

湯怡（Kathy）、吳卓羲（Ron）及潘燦良主演的新戲《致命24小時》，將於下月6日上映，向來以正氣形象示人的Ron，在戲中「一反常態」，扮演一個對老婆不忠、甚至為求自保不惜狠下毒手的假面醫生：「在戲劇世界中每個人都係自私，當我演繹楊耀華呢個角色時，我並唔覺得佢係『渣男』，係時勢同環境迫使佢走到嗰一步！」當導演葉念琛邀請Ron演出時，他以為又是對方最拿手的愛情戲，誰知居然是部驚悚片，Ron願意接受挑戰時，同時有其他的考量：「除咗想點樣演繹角色外，仲有體力勞動方面，呢套其實係動作片，包括我同Kathy被燦哥綁住，需要歇斯底里去呼叫，仲有同燦哥角力嘅場面，每場都係要付出好大體力！」

吳卓羲扮演一個假面醫生，對他來說是新嘗試。

戲中和湯怡演兩夫妻，但兩人心中都各有主意。

兩人表現恩愛，但內裏卻有陰謀。

起初都還很恩愛，有咀嘴鏡頭。

Ron之前從未與Kathy合作過，他大讚對方是十分聰明的女演員，只要導演稍為解釋，Kathy已迅速明白。談到Kathy要應付大量慘被凌虐的場面，Ron更表示百分百佩服：「Kathy真係唔怕痛，燦哥真係打佢、扯佢頭髮同埋將佢拋落梳化，佢身上嘅瘀傷都係真。仲要連戲完全冇問題，嗰段戲足足拍咗5、6日，我仲好，但Kathy真係好辛苦，所以喺現場我唔敢騷擾她，等佢好好培養情緒，一埋位即能夠入戲。」Ron和潘燦良更是素未謀面，Ron透露得知跟他合作很放心，因深信對方必能帶動他入戲。