Edan放下偶包自爆「炒車相」

　　(星島日報報道)呂爵安（Edan）放下偶包晒多張拍攝訪問時的「黑圖」，並歡迎網民為他的4張「炒車相」改名，網民紛紛留言爆笑。Edan發揮創意，先為4張相加以形容，第一張是他和盧瀚霆（Anson Lo）的合照，Anson Lo甫士非常有型，而Edan則「隻眼開，隻眼閉」；第二張舉手照則形容為「老師，我可唔可以去廁所啊？」；第三張是「跳水準備！」最後一張高舉雙手照自嘲「你估下我隔甩底（胳肋底）香唔香？」Edan貼文吸引逾9萬個like，亦有不少圈中好友留言，隊友Jeremy（李駿傑）笑問：「點做到？」，鄭欣宜則說：「多謝你令我本身呢個Bad Day都有真心笑咗出來」，毛舜筠則讚：「但仍然可愛hehe……」。