拳王｜許家傑地獄式谷肌 爆跟李君妍打擂台似攞命

TVB台慶劇《拳王》上周五（10日）晚重頭戲是許家傑與李君妍的擂台戲，劇情講述「送水輝」許家傑飾演的拳王蔣繼昇，原本與駿風拳館學員之一的Kiko（李君妍飾）是情侶，由於阿昇一直醉心打拳冷落Kiko，二人分手收場！即將與正藍（張振朗飾）對壘的阿昇被加晴（蔡潔飾）騙上駿風拳館，因而洩露與Kiko的前情侶身份及二人分手原因，拳館眾人逐鼓勵Kiko與阿昇打擂台以洩心頭之恨！最終二人和解，算是「大團圓」。

許家傑操得相當弗。

朱古力肌

向來備受網民喜愛的君妍，是次角色相當有發揮，除了可展示運動實力，更要應付複雜內心戲，君妍坦言相關體驗很過癮：「今次要記動作之餘，又要應付唔同情緒及喊戲。其實我收到劇本時已經忍唔住喊，同埋覺得好浪漫，拍嗰陣我都擔心畀手長腳長嘅家傑打親。」家傑聞言即「反擊」：「反而係你NG時打中我，因為拍之前導演要君妍再歇斯底里啲，所以佢啲拳真係好似想攞我命咁！」

二人打到舊情復熾。

每次埋位前都會做好多「充血」運動。

家傑在劇中雖然不是主角，但依然操得極弗，腹前朱古力肌清晰可見，一雙麒麟臂亦甚為吸睛，難怪網民留言：「送水輝好勁咁喎！」原來家傑之所以操出完美「爆肌」，除了靠努力節食及重訓外，埋位前的地獄式谷肌集訓亦是成功關鍵：「工作人員會陪我做好多訓練，好似掌上壓呀、飛膊呀、扯衫呀，幫助肌肉充血，咁樣可以令我手臂同腹部嘅線條更靚。」

李君妍一直備受網民關注。

君妍本身有運動底。