肥媽向李思捷詐嬌唔成嬲豬扁嘴

　　昨晚TVB播出遊戲節目《思家大戰》第十四集，分別有肥媽率領的「巨肺隊」及無綫專業配音員組成的「Dub Dub地」隊。
　　「巨肺隊」成員有陸浩明（六號）、李麗霞（黑妹姐）、蘇姍及徐文浩（Fred），為了以整齊隊形撐思捷場，肥媽花了足足兩個月時間訂造隊服。另外，肥媽在介紹Fred時，竟大爆對方是「七號」：「六號成日話想要個細佬吖嘛，咁Fred唔介意咪做咗七號咯。七仔幾好吖，周街都係！」
　　肥媽又在主持思捷要求下孖好姊妹黑妹姐及蘇姍大唱另類「三重唱」，期間更抵死地要求思捷「打賞」。玩遊戲時肥媽多番向思捷「撒野」兼「撒嬌」，可惜思捷依然「冇情講」，氣得肥媽扭計揼地兼扁嘴，娛樂性十足。