獨家│傅家俊獨自開餐 全程碌手機 小心防疫不斷用搓手液消毒

香港桌球好手傅家俊（Marco）早前與MIRROR成員柳應廷（Jer）及邱傲然（Tiger）同場較量，自認全家都是「鏡粉」的他，可算是自肥成功。日前傍晚，Marco一支公去茶餐廳開飯，雖然香港已經零確診多時，但佢都繼續做好防疫消毒雙手，全程又只與手機溝通，減少與人接觸。　採訪：梁志明

 

傅家俊剩番一啖都不浪費，一飲而盡。

傅家俊覆完一輪短訊，又錄語音好忙碌。

 

日前下午5時左右，傅家俊獨自在銅鑼灣聖保祿醫院附近的茶餐廳開餐，當時他已接近歎完茶，不過打算坐多一陣，見佢一直撳手機，又覆一陣短訊，偶爾就錄語音回覆。其間見他的嘴部不時郁動，似是用條脷在清潔口腔內的異物，而他的雙眼一直未有離開過手機，如非已過股市收市時間，相信會以為他秒秒幾百萬上落，要睇實個市。

 

傅家俊離開茶餐廳時，不斷搓手，估計是為防疫消毒雙手。

（左起）Tiger、傅家俊及Jer日前在活動上碰面，更落場比試球技。

Marco飲埋最後一啖飲品就準備離開，不過手機依然未有放下，一直眼不離機直到去找數。未知是否因有新型變種病毒株「Omicron」出現，家中有大有細的Marco，變得更加小心，撇甩家人搵食外，他食完埋單離開茶餐廳更一直搓着雙手，估計使用酒精搓手液消毒，為家人及自己做足保護。現年43歲的Marco於2011年娶拍拖逾兩年的女友，婚後育有兩個女兒，話咁快已經結婚10周年。不過這兩年因疫情影響，令他錯過多項國際大賽，亦未能在囡囡放假時舉家外遊。

 

傅家俊今年因疫情而錯過多項國際大賽，相當可惜。