呂爵安攬妹頭貼頭影相 Wyman羨慕想認Edan做大佬

MIRROR六子姜濤（Keung To）、盧瀚霆（Anson Lo）、陳卓賢（Ian）、呂爵安（Edan）、柳應廷（Jer）以及江𤒹生（AK）一連兩場的《Music On The Road》演唱會圓滿結束， 六子有屋企人捧場，一向好錫妹妹嘅Edan當然有邀請妹妹去睇Show，不過，可能時間太緊迫，阿妹未能去後台同Edan及一班怪哥哥合照，唔緊要啦，返屋企補返數。

Edan有名叫「寵妹狂魔」，IG有大量同妹妹嘅合照，尋日做完Show返咗屋企，Edan即刻攬妹自拍，呢位阿哥好識做，講到明係自己要求個妹同佢影：「個衰妹次次扮咗靚靚先肯同我影相，我緊係把握機會。」然後就係一連串可愛兄妹合照動態圖，毛姐留言：「妹妹好可愛。」而Wyman就表示羨慕：「嘩，好幸福，請問我認你做大佬得唔得呀大佬？」咁Edan係未有回覆嘅。
 

edan 連發幾張同妹妹嘅合照。

妹妹好開心。

Edan塊面尖晒。

阿妹動作多多。

毛姐讚妹妹好可愛，Wyman就表示好羨慕。