Juicy叮｜網民拾遺不報 執到現金擅自轉贈拾荒婦惹議

路不拾遺是美德，然而擅自將失物轉贈他人，則是否應該？有網民近日表示，自己將拾得的一筆現金，自行轉贈給拾荒老婦，解釋是幫失主「做善事」，帖文一出引起不少議論。

有網民近日FB群組「將軍澳主場」發帖，並附上一幅圖片，表示：「剛剛在梯級地下見到$360，唔知邊個跌咗，等咗15分鐘都冇人返嚟搵或問，最後將呢$360畀咗一位拾垃圾的婆婆，當幫你做咗善事啦！」。

帖文一出曾引起議論，雖然這名網民已刪除帖文，但被人截圖重新上載。不少人紛紛留言表示「好人好事，雖然犯法就係犯法」、「啲錢折得咁工整，失主應該好重視，或者係救命錢，樓主做法有問題」；也有人不滿其他人只是一面倒批評，直言「佢都係出於向善，大家不如唔好狙擊佢」、「何必咄咄逼人」。

另外亦有人建議：「正確做法係攞去警署，過一排冇人認領，好似會同你講有幾個處理方法，其中一個係啲錢屬於你，嗰時你可拎去做善事。」

根據《盜竊罪條例》（香港法例第210章）第2(1)條，任何人不誠實地挪佔屬於另一人的財產，意圖永久地剝奪該另一人的財產，即屬犯盜竊罪，最高可處10年監禁。

資料來源：FB群組「將軍澳主場」