Juicy叮｜有禮巴士車長2個舉動獲激讚 連港男動心：當場想嫁畀佢
2021-12-05 16:29 
生活中遇上「小確幸」，足以令人擁有一整天的好心情。有港男早前在網上發文，盛讚一名巴士車長，指他不但向每位乘客打招呼，停車時更會仔細靠在適當位置，方便坐輪椅的乘客落車，其後再向其他乘客致歉，令港男感動表示「當場想嫁畀佢」！
該名港男向社交媒體Facebook專頁「屯碼牛牛」投稿，指日前放工由尖沙嘴乘260X巴士再轉乘59M返回屯門，上車時便發現巴士車長非常窩心有禮，「佢竟然對每個乘客都打招呼，係對每一個都咁做」。其後一名坐輪椅的乘客需落車，車長停車時特意再駛前，方便該名乘客落車，之後更向其他乘客道歉指「唔好意思呀，搞到你哋」。
港男在帖文笑言「聽到當場想嫁畀佢（雖然我係男嘅）」，又表示雖然不知道該名車長是否一直如此善待乘客，因他當日比平時放工時間早，但就指「不過今日個司機我可以記成世」。
帖文引起網民討論，不少人都分享自己遇過的暖心經歷，「佢真係好好禮貌～某一個星期日日都見到佢揸60X，對每個乘客都有打招呼」、「我都見過一次，又係輪椅上59M，嗰個年輕車長又係好好，唔知係咪同一個呢？」、「上巴士遇上小確幸」、「我都有搭過，好warm」。另外有網民提醒樓主，可以透過網上或電話聯絡巴士公司表揚相關車長。
資料來源：「屯碼牛牛」FB
關鍵字
最新回應