謝芷倫《野外2》輕晒事業線玩賽艇 梁茵分享入不敷支苦況
2021-12-06 22:15 
由方紹聰（奶仔）主持嘅J2節目《野外步出2》，今晚及明晚十點半分別由謝芷倫(Jan)及梁茵擔任嘉賓。今集奶仔約到有船牌嘅Jan一齊去玩賽艇，享受水上速度奔馳。着住貼身小背心嘅Jan輕晒事業線、纖腰及美腿，不過奶仔笑言自己嘅身材最好，好少睇女仔身材，他反而著重兩人相處上。
奶仔說：「其實拍攝前對Jan完全冇感覺，因為佢唔係我鍾意嘅女仔類型，但透過今次節目同佢傾偈傾得好舒服，再加上佢有做花膠生意，兩人都會好有主動性，尤其為咗自己將來努力去打拼。同時，好欣賞佢喺TVB係少數有船牌嘅女仔，我都要有教練喺後面睇住先可以駕駛賽艇，同佢比賽時，連佢駕駛嘅賽艇尾燈都見唔到，最後佢仲扮埋『大小姐』，指我頭罵我『人頭豬』，都幾得意，呢個節目令我對佢改觀咗，一開始對佢係冇感覺，𠵱家做好好朋友。」
至於梁茵分享訓練班及家庭遇到嘅問題一度爆喊，尤其點樣收入唔穩定，入不敷支畀家人埋怨，好想佢嫁咗就算...由於大家都喺訓練班出身，所以感受特別大。
關鍵字
最新回應