【盛．舞者】狄易達隊第二輪壓倒性取勝　奶仔因頸傷被淘汰

狄易達戰隊在《盛．舞者》節目第二輪齊舞戰勝出後，昨（14/7）晚播出以「鬥心」為主題的第二輪Battle戰，達仔隊在五個回合中總共贏了三個回合，以壓倒性姿態力壓其餘兩隊奪得Battle戰第一名及第二輪總冠軍。其中女隊員Tania獲評判封為Battle戰MVP：「將現代舞用嚟Freestyle Battle好正！音樂感發揮得非常直接，好Impressive。」達仔事後指Tania對霹靂舞或街舞是完全零經驗，只是靠意志苦練，難怪會練至大腿有瘀傷。達仔謂：「佢完全唔識地板動作，但上一Round輸咗後，佢話要做Battle Girl，之後真係狂練。雖然佢本身有體操底子有幫助，但啱啱學就要玩Battle係超級難。」

雖然三名評判對是次對擂大表Respect：「三隊都好正，Respect！每一隊都有互動性，做到真正Battle應該有嘅交流。」但賽事最終分輸贏，落敗的王君馨及麥秋成戰隊，需各自淘汰一名隊員；兩隊分別淘汰了拉丁舞能手Anson及奶仔（方紹聰）。秋成傷感透露Foul奶仔原因，是想對方好好休息：「佢第一次比賽已整親頸，成個排舞佢都好辛苦，係時候畀佢休息吓，希望你明白，在心中。」奶仔則感性回應謂：「我入咗TVB 11年一直做演員，有時會覺得跳舞好似同工作冇乜關係，又搵唔到錢。但今次呢個節目，令我發現原來好多嘢唔一定要對工作有幫助，唔一定要搵到錢，其實我跳舞好開心，呢個已經足夠。」