【永不放棄】為理想堅持做到最好 方紹聰：呢份係我好鍾意嘅職業

入行11年的TVB藝人方紹聰（奶仔）最近有份參與TVB真人騷《盛‧舞者》，上集講到麥秋成率領的「TX Crew」因輸了Crew Battle要Foul人，有隊員因而落淚，既緊張亦甚具追看性，皆因一眾參賽者逐步展現特色及實力，當中奶仔的表現備受關注。

原來在未入行之前，奶仔已經喜愛Hip Hop文化，於十多年前已拜麥秋成為師，跟他學跳舞，在2012年，曾經在主題公園模仿韓國藝人PSY跳《江南Style》，到了2019年更為盧宛茵棟篤笑演唱會排舞。談到在圈中打滾11年依然沒有放棄，奶仔指正正是因為熱愛：「呢份係我好鍾意嘅職業，就算辛苦，但我知道每次拍攝我都係進步緊嘅，希望有日會做到我想做嘅水平。」他又謂參賽最難忘，是能夠認識孖8（李俊華）：「細個跳舞時已經知道孖8好勁，係街舞界嘅始祖，喺佢身上學到好多嘢。」

除了奶仔，狄易達戰隊的Tania（陳苑澄）實力亦不容忽視，Tania自小便受過藝術體操等相關訓練，無論側手翻、倒立、擘髀等高難度動作均完全難不到她，但Tania表示自己不是天生柔軟，而是透過後天苦練：「因為細細個就跳芭蕾舞、中國舞，後來仲加入埋藝術體操港隊，所以先幸運地得到磨練嘅機會。」因為今次比賽的關係，Tania與火雞姐成為好友：「隊中只有我哋兩個女仔嘛，咪互相照顧，好記得有一次搭旅遊巴，佢一上車就問Tania喺邊，因為佢驚我懵懵地唔知去咗邊。火雞姐嘅執行力好好架，佢可以推動到成條Team去實踐完整嘅表演。」

此外，《盛‧舞者》由今晚開始一連5集，節目時間將延長15分鐘至晚上11時15分。