獨家丨陳豪醒你冇得輸冧妻方法 活力中佬 50歲跳街舞好腰力

2021-12-07 01:00
陳豪係活力中佬,50歲跳街舞仲好有腰力。
陳豪係活力中佬,50歲跳街舞仲好有腰力。

陳豪(Moses)於今年TVB台慶「思密Party」環節中,應李思捷要求講出「最想結婚的TVB女藝人」時,陳豪即答陳茵媺,被網民激讚心中只有老婆。事實上阿Mo為咗畀老婆及3子女幸福舒適生活真係好落力,日前他為新劇《四十二章經》拍外景,劇情需要大跳街舞,雖然手腳唔多協調但努力去跳,疫情下好注重防疫嘅阿Mo仲跳到成個人貼晒落地,睇唔出50歲嘅佢腰力依然強勁!採訪:方騫平 攝影:葉君海

陳豪係活力中佬,50歲跳街舞仲好有腰力。
陳豪係活力中佬,50歲跳街舞仲好有腰力。
努力練習

演出前陳豪爭取時間跟老師苦練作最後衝刺。
努力練習 演出前陳豪爭取時間跟老師苦練作最後衝刺。

由TVB金牌監製陳維冠(Joe) 監製的《四十二章經》是一套融合歷史及功夫元素的劇集,飾演豬肉婆嘅龔嘉欣前世與鰲拜有關,今世遇上「古老石山」教授陳豪,二人經常發生磨擦如前世冤家。日前兩人於上環拍外景,場口講述陳豪大跳街舞𠱁返嬲嬲豬嘅嘉欣。

嘉欣讚陳豪冇氣喘

阿Mo平日冇乜跳舞,為咗接受呢場挑戰都打醒十二分精神,記者現場直擊,當日開早班嘅陳豪精神爽利,演出前仍攝時間跟老師惡補,加碼苦練。到正式埋位,他隨住老師喺機後打拍子123456…提示,跟隨音樂旋律扭動身體,前後擺動條腰,再揈手揈腳玩打功夫式free style,跳到踎咗落地,再用手及身體撐喺地面係咁「印」,最後旋轉一個圈後秒速彈返起身。雖然動作有啲生硬,但總算流暢,最重要勇氣可嘉。估唔到50歲陳豪仲好有活力,尤其條腰好有力,渾身是勁。

幸福一家

陳豪一家五口好幸福,不時放閃。
幸福一家 陳豪一家五口好幸福,不時放閃。
似模似樣

陳豪為新劇跳街舞跳足兩分鐘,似模似樣。
似模似樣 陳豪為新劇跳街舞跳足兩分鐘,似模似樣。

當日最受歡迎演員
當日陳豪好受街坊歡迎係咁被「集郵」,對於挑戰難度跳街舞,他笑說:「真係未試過,我完全唔知發生乜事,監製突然落指令話一定要跳街舞,惟有趁唔使開工嗰日練咗幾個鐘,哈!我有Hip-Hop細胞,所以出嚟好似樣。」在旁嘅龔嘉欣都大讚阿Mo超勁,連跳兩分鐘都冇氣喘。陳豪笑住話有畀條跳舞片囡囡睇:「佢大讚『我爹哋係全世界最好嘅。』」

好Enjoy家庭生活

對於台慶當晚表現獲讚畀到老婆安全感,陳豪笑說:「我都唔知答乜咪將肚入面答案講出嚟囉,其實係我想黐實老婆同啲細路,有家庭生活係咁㗎啦!我好Enjoy同佢哋一齊,全部時間畀晒佢哋,就算陪佢哋做啲無聊嘢都冇所謂。(跳返part舞𠱁佢哋?)佢哋想嘅話我會渾身解數做乜都得,其實維繫夫妻同子女關係要放心血落去。」阿Mo仲教大家最簡單嘅冧妻方法,就係唔好有秘密,佢話由day 1開始就係咁做。

渾身解數

用手及身體支撐身體再旋轉咗一個圈。
渾身解數 用手及身體支撐身體再旋轉咗一個圈。
有心有力

50歲陳豪喺咁「印」,再秒速彈返起身腰力好厲害。
有心有力 50歲陳豪喺咁「印」,再秒速彈返起身腰力好厲害。
freestyle街舞

隨住音樂拍子響起,陳豪即表演打功夫式free style。
freestyle街舞 隨住音樂拍子響起,陳豪即表演打功夫式free style。
再度合作

龔嘉欣及陳豪繼《殺手》後再度合作。
再度合作 龔嘉欣及陳豪繼《殺手》後再度合作。
另類合照

係防疫下,呢種另類形式合照都幾搞笑。
另類合照 係防疫下,呢種另類形式合照都幾搞笑。
模範老公

陳豪喺台慶晚的表現獲女網民大讚係模範好老公。
模範老公 陳豪喺台慶晚的表現獲女網民大讚係模範好老公。
依然甜蜜

陳豪自爆同老婆冇秘密,故結婚8年依然甜蜜。
依然甜蜜 陳豪自爆同老婆冇秘密,故結婚8年依然甜蜜。
舒適生活

陳茵媺喺向海豪宅佈置聖誕樹。
舒適生活 陳茵媺喺向海豪宅佈置聖誕樹。
保持活力

陳豪保持運動量,所以50歲都好有活力。
保持活力 陳豪保持運動量,所以50歲都好有活力。
生活情趣

陳豪兩公婆好有生活情趣,包括操刀影老婆出浴。
生活情趣 陳豪兩公婆好有生活情趣,包括操刀影老婆出浴。
關鍵字

最新回應

關鍵字

相關新聞

熱門文章