梁諾妍着洪永城瞓覺衫露肚曬太陽 三個「走佬袋」隨時候命

洪永城老婆梁諾妍（Inez）懷孕9個月，囡囡「洪寶寶」預產期係聖誕前。可能因為做開運動郁動得多，生B在即的洪太表現輕鬆，冇乜妊娠不適，身形又冇巨變，所以上星期繼續出活動賺奶粉錢，仲大爆老公好緊張，一早執定3個「走佬袋」，有咩事可以即刻拎袋入院生B。

今日暖返啲，天氣又幾好，洪太見有陽光入屋就坐喺窗邊露住巨肚曬太陽，愛犬Molly就喺身邊瞓緊，成個畫面超溫馨。Inez就話︰「Friday morning，有太陽唔好嘥，3個一齊曬。謝謝Molly借張牀我瞓。識著著晒另一半啲瞓覺衫超方便。後面真係有3個走佬袋。」hashtag係picbyguruhung，洪永城唔只提供瞓覺衫畀老婆着，仲做埋攝影師兼執「走佬袋」專員，認真辛苦晒。