小肥直認拍拖時曾偷食 剖白對邵仲衡麥包有feel
2021-12-03 12:30 
小肥近日接受網上平台節目《月傾會》主持林柏希的訪問，談到他公開「出櫃」一年多，當時又如何向屋企人交代？小肥表示從來沒有正式向家人表明取向，不過早年已帶前男友出席家庭聚會，雙方家人應該早已「心照」，小肥又憶述：「有一次係前男友嘅阿媽，買咗一嚿大隻佬番梘做手信送畀我，而前男友老竇食飯夾餸嗰陣，又忽然好大聲話『阿仔，食隻『基』圍蝦先！』，真係好鬼搞笑。」
接着小肥又接受「大膽答、冇膽食」環節，若不敢答問題便要食日本納豆做懲罰，林柏希問他拍拖時有否試過「偷食」？估不到小肥爽快答：「同一個人，唔止一次，認識情況，喺App，地點喺廣州！」林柏希又問小肥有沒有圈中男星是他的性幻想對象？小肥竟也不避嫌直答是邵仲衡及麥長青（麥包）：「佢（邵仲衡）外形感覺好正，而以前《閃電傳真機》時候嘅麥包都OK！」
之後小肥更大膽談到跟另一半發生親密關係最失望的情景，他透露當時身在英國，但對方身上竟有一陣朱古力味，雖然小肥愛食朱古力，但不知為何那一刻卻覺得很難受。
關鍵字
最新回應