梁诺妍着洪永城瞓觉衫露肚晒太阳 三个「走佬袋」随时候命

洪永城老婆梁诺妍（Inez）怀孕9个月，囡囡「洪宝宝」预产期系圣诞前。可能因为做开运动郁动得多，生B在即的洪太表现轻松，冇乜妊娠不适，身形又冇巨变，所以上星期继续出活动赚奶粉钱，仲大爆老公好紧张，一早执定3个「走佬袋」，有咩事可以即刻拎袋入院生B。

今日暖返啲，天气又几好，洪太见有阳光入屋就坐喺窗边露住巨肚晒太阳，爱犬Molly就喺身边瞓紧，成个画面超温馨。Inez就话︰「Friday morning，有太阳唔好嘥，3个一齐晒。谢谢Molly借张牀我瞓。识著著晒另一半啲瞓觉衫超方便。后面真系有3个走佬袋。」hashtag系picbyguruhung，洪永城唔只提供瞓觉衫畀老婆着，仲做埋摄影师兼执「走佬袋」专员，认真辛苦晒。