張偉文逆境自強振奮人心個唱獲撐 現身經理人方俊母壽宴開心勁食
2021-12-01 12:30 
68歲死過翻生嘅張偉文（Donald）近年不良於行要靠坐輪椅代步，幸而多年嚟喺有情有義嘅老友兼經理人方俊（Aman）悉心照顧下，翻肥100磅，狀態回勇，本月20日、明年1月12日及14日分別喺香港文化中心、沙田大會堂及元朗劇院再開騷舉行《友情有義演唱會》，賺錢傍身。而張偉文逆境自強嘅故事獲大眾支持，首場個唱已經爆滿，其他場次都掀起撲飛熱潮，喺疫情下票房反應咁好，張偉文及經理人飲得杯落。張偉文及出任表演嘉賓嘅方俊現正努力練歌中，適逢方母蘇麗89歲生日，昨晚張偉文及圈中好友環星娛樂老闆張國林、「環星一哥」尹光及太太、歌手王美蘭，方麗盈等為方母賀壽，大家齊唱生日歌，開開心心放鬆咗一晚。
方俊稱母親與張偉文均患有腦退化症，需要輪椅出入，同時要照顧兩人未感吃力，反而積極面對人生嘅考驗。張偉文忙中偷閒胃口也特別好，大讚餸菜好食仲飲咗兩罐汽水。方俊嘅壽星媽就超興奮與到賀嘉賓敬酒，老人家連飲兩杯拔蘭地亦面不改容，在場人並為張偉文演唱會打氣，祝他演出成功。
關鍵字
最新回應