63歲杜德智打拳跳繩冇難度高呼呢個年紀最緊要健康

2021-11-27 09:30

首屆香港先生Rocky鄭健樂擔任今屆健康博覽大使，昨日（26日）邀請相識30年老友兼星級健身教練杜德智（Orlando）一齊做連串運動，兩人打拳兼做掌上壓加跳繩，及後再加上22歲東京奧運香港賽艇選手洪詠甄一起示範健身操，分享健身教練及運動員健康飲食心得。Rocky表示自己一連三天都會與市民見面，想不到首天的反應如此熱烈，令他十分開心，希望可以帶到健康訊息給市民。

杜德智表示心情有如放監一樣，他說：「因為我好鍾意做運動同健身，但疫情高峰期，只能喺屋企對住鏡做運動，依家可以公開表演做運動，真係好興奮。」他更公開自己今年已經63歲，全場拍手讚他keep得弗，他說：「從來都唔介意公開年紀，做人最緊要開心，到我呢個年紀，有健康就最重要。」問到兩人有否考慮合作？他們均表示有此構思兄弟班一起教做運動，杜德智更羡慕Rocky做健康大使，笑言要跟對方拍住上，一齊多些出席活動。