立會選舉｜葉湛溪推傷健共融「求人不如求己」

香港復康力量會長葉湛溪自幼患上小兒麻痹症致下肢癱瘓，但他總是永不言敗、自強不息。六十年代求學困難，父母多番叩門，葉湛溪終獲私校錄取，可惜一星期後遭其他家長歧視投訴終要退學；其後獲神職人員帶到特殊學校讀書，之後他一邊打工一邊讀夜校進修。九八年金融風暴，他與數名失業傷殘人士成立公司製造環保膠袋，並聘用更多傷殘人士。

葉湛溪說，自己既是服務使用者，又是社福機構管理層，深明同路人需求，亦發現許多服務需要政策輔助及支援才能做得更好，「一定要政策配合社福機構先做到，政策唔配合，我哋寸步難行。」

過去曾為其他立法會參選人助選的他，今次決定「求人不如求己」，「加上近日疫情，發現政府兼顧唔到（傷殘人士）咁多，例如送飯等，要諗多啲辦法，不如試下入議會，睇下可唔可以帶到更多弱勢社群聲音畀政府，制定更多有利政策！」若進入議會，葉湛溪表示首要爭取的是關於扶助弱勢社群、照顧者及傷健共融政策，「香港有五十八萬傷殘人士，加埋照顧者，差唔多過百萬，七分一的人口，其實呢個群體都好大、好需要幫助！」

他提到，推動「無障礙城市」及傷殘人士出行已經十分困難。以自己為例，他過去到中環爭取提名時，因為不少人於中環舊式建築物工作，他往往需要靠枴杖幫忙，走四、五級樓梯才能到大樓乘坐升降機，「對於一個傷殘人士，一級樓梯已是另一個世界！尤其坐輪椅一級都去唔到。感覺去到中環這些地方都咁唔友善㗎！」

葉湛溪說，自己相比其他兩名候選人更了解同路人需要，亦因是政治素人，沒有任何包袱，而且自己服務社福界數十年，可以與很多機構合作無間，希望自己參選讓社福界有多一個選擇。

詳細候選人名單請參閱：https://www.elections.gov.hk/legco2021/chi/nomination2.html