青春本我丨炎明熹精靈現身慰勞宴同姚焯菲諗起拍劇時光相擁落淚

2021-11-22 00:39

炎明熹（Gigi）、姚焯菲（Chantel）詹天文（Windy）和冼靖峰（Archie）首次主演的青春校園劇《青春本我》定於下月5日播放；並於昨晚舉行慰勞宴；聲夢學員及吳業坤、麥秋成、王灝兒、黎燕珊等出席，更獲TVB高層曾志偉、何麗全到場支持。不過志偉有事先行離開，跟Gigi緣慳一面；何麗全則向身體不適的Gigi給予慰問。

Gigi中午在活動中抱恙倒下，晚上現身慰勞宴時已回復精靈，看到現場播放的幕後花絮片段時，更與Chantel及Windy 3個「劇集初哥」感動得相擁落淚。當Chantel與Gigi及Archie齊齊受訪時，Chantel再度眼紅紅稱：「我都唔知乜事。但睇到片段想諗拍劇嘅時光。」Archie和應指拍攝期間大家經常見面，加深咗了解，友誼更勝從前。至於中午一度病到喊嘅Gigi又精靈地抛金句說：「今日係流淚日、唔係做戲、係真流淚、係『萬感交集在一心』！」

提到身體睇狀況，Gigi表示活動後原本還有工作，但已立即取消回家休息，現在已經好了很多。Chantel指收到消息時沒有被嚇到，但就相當擔心，隨即傳短訊問候Gigi，不過可能Gigi在休息中未有回覆；雖然同樣工作學業兩兼顧，但Chantel表示有信心仍可應付得來。不過，臉色欠佳的Archie直言有少少擔心，事關他有點感冒狀態欠佳，而早前已試過因太過辛苦不適要缺席工作，現仍未有時間看醫生，但服了成藥狀態ok，他又指企中間的Chantel要照顧兩個病人，Chantel卻大玩「同性相吸、異性相距」，指Archie可以照顧好自己，她只會照顧Gigi。