龔柯允圓夢做老闆開咖啡店 《演鬥聽》獲陳潔靈肯定如打強心針

龔柯允（Karen）最近有不少好事發生，因她最近嘗試發展不同領域，於網上賣家鄉馬來西亞特產外，最近還涉獵餐飲業務。日前其咖啡店開張獲海俊傑、羅力威及太太雨僑等一班好友到場支持。Karen說：「好開心可以完成咗人生其中一個心願開咗一間cafe，因為我好鍾意飲咖啡，而且可以飲住咖啡同一班朋友傾偈，亦係我最放鬆嘅時光。」

而Karen早前參加歌唱節目《演鬥聽》，在節目中獲陳潔靈（Miss Chan Chan）肯定實力勇奪MVP，Karen多謝王梓軒邀她上節目，可以跟一班熱愛音樂的音樂人一齊玩音樂，是一件好幸福的事，她說：「好榮幸可以係Miss Chan Chan手上拎MVP，好似打咗支強心針，希望更多人會留意到我同我嘅音樂。」她表示新歌《Sing A Live》由自己創作，希望可以用搖滾歌展其最真實的一面。

另外，Karen好感恩過去一年遇到好老闆賞識，不用再單打獨鬥，她說：「加強咗我對歌唱事業嘅信心，老闆同公司投入咗大量資源喺我身上，亦多咗好多唔同嘅工作機會，希望係歌唱事業路上可以不斷突破，喺不久將來幫公司賺多啲錢。」