軒仔視野豬為鄰居享受共存生活 安仔超儀齊發聲籲停止捕殺

北角上星期發生野豬咬傷男輔警事件，及後漁農署以保護市民為由，即表明會定期捕殺野豬，引來不少市民的反對聲音，前晚（17日）警方及漁護署隨即於深灣道以食物誘捕並人道毀滅7隻野豬，事件令不少愛護動物的市民痛心及憤怒，其中張敬軒、許志安、何超儀、陳漢娜和商台DJ麻利，相繼在IG貼相留言同聲反對捕殺野豬行為，認為可以利用其他方法解決野豬數量日增的情況。

張敬軒前晚在IG限時動態，貼出應是他拍到的野豬出沒片段，他留言謂：「我嘅鄰居，除咗有一班好鐘意開Party既（嘅）外籍人士、樓下教授梁夫人以外，仲有箭豬仔一家大細、黃麂兩隻、野豬兩公婆阿梅同強、我鐘意、亦都好享受呢一種人類同野生動物一齊共存嘅生活方式，你知嘛，唔係度度都有架（㗎）。呢啲生態資源亦都係呢個國際都會兼石屎大森林入面珍貴既（嘅）一種生活方式。」對於漁護署現用人道毀滅方式殺豬，張敬軒再說：「要解決問題唔係淨係得殘忍嘅方法，所謂辦法總比困難多，只要肯去諗，冇話冇。我會同阿強兩公婆講，你要保護好自己同啲細路，唔好成日四圍走喇。我都唔明，其實我哋作為眾生之一，又有乜嘢權去任意呢個屬於彼此嘅棲息地。」

久違的安仔貼出一張寫着「注意野豬出沒」的告示牌相片，再留言：「小心呀，識閃呀，地球危險呀。」及後安仔再回覆網友：「世間沒愛就不如早死，但我們有愛的一群，就不如組織愛隊去對抗沒有愛的.....」而超儀亦貼出野豬相謂：「唔好整死啲野豬呀， Please don’t kill them.」