獨家丨鄧佩儀鍾意俾人鬧愈鬧愈有火 真係冇成日NG辣㷫張頴康
2021-11-15 23:45
2013年華姐冠軍鄧佩儀（Gloria）於TVB台慶劇《換命真相》首做「女一」，沒料到上位之後傳聞多多，除傳她拍劇時頻頻NG，搞到張頴康發火鬧人外，最近又被網民批評她「較選美時真的胖了」！對於繼7年前拍出道作《點金勝手》後再惹負評，鄧佩儀語帶堅定：「最壞嘅嘢都發生過，冇乜好驚啦！」採訪：方騫平 攝影：葉君海
撇除NG傳聞，鄧佩儀喺《換命真相》的表現都獲讚賞，尤其讚她喊得夠自然迫真，係可造之材。不過，Gloria面對過《點金勝手》時劣評，現階段拒睇評語，先享受自己對角色嘅睇法，唔會畀自己有壓力：「當年睇完評論真係好大打擊，尤其批評我成日眨眼同木口木面，把聲好柔弱，咁唔夠瞓對眼好乾澀，而且當年選完美決定留低發展即被安排入劇組，前後唔夠一星期根本未Ready好。不過，邊學邊做上咗寶貴一堂，經過呢幾年都有改進。」
有劇拍係恩賜
因為久經訓練，Gloria心理質素變得強大：「我好變態鍾意俾人鬧，愈鞭策我團火會愈旺盛，唔忿氣要做得到，《點金勝手》時反應差成咁，心態上都冇乜嘢再驚，最多換過演戲方法一步步嚟過。我唔理係咪做女一，其實有得拍劇就算客串都已經好感恩，因為公司有好多有才華兼勤力嘅靚女，我唔夠朱千雪、陳凱琳咁靚女，只係勝在夠努力，所以拍每套劇都會用心做分場『天書』幫助入戲。」
冇敗走加拿大
而今次演《換命真相》角色前先煲晒金裝律師劇《Suits》，又參考宣萱演繹嘅成熟穩重角色。」另外，她重申拍呢套劇冇成日NG辣㷫張頴康，對方反而好照顧她，而她返加拿大屋企係處理私務並唔係傳言中冇劇拍要敗走。
最新回應