陳凱琳教煮甜品令愛巢曝光 巨廳擺放3萬蚊潮熊成焦點

陳凱琳（Grace）婚後減少拍劇，但仍經常喺社交平台分享湊仔及生活點滴，不過大部份都係靚靚硬照。近日Grace就喺小紅書拍片教整甜品Red Velvet Brownies（紅絲絨布朗尼）迎接聖誕，令佢同鄭嘉穎嘅愛巢意外曝光。

片段見Grace抱住愛犬出場，明顯係喺家中拍攝，廚房採用開放式教設計，令屋內空間感大增，而廚房煮食設備非常齊全，攪拌器、大焗爐等應有盡有，睇得出Grace真係入得廚房出得廳堂嘅賢妻。而鏡頭不時影到大廳角落，設計以簡約為主，喺鞋架旁邊放有2隻Be@rbrick玩具模型，其中限量版「比卡超」模型，原價約$4,000港幣，依家喺二手網市場已經炒到過$30,000，唔知呢款貴價潮物係咪兩個寶貝仔嘅高檔玩具之一呢？而Grace最後就坐咗喺窗邊試食，面對無敵美景，食得特別滋味。