全民造星IV｜27歲大熱Jackie輸俾21歲日系Sica 網民瘋狂留言戥佢唔抵

《全民造星IV》昨晚播出的一集，27歲人氣KOL 劉展翹(Jackie)對決日系少女21歲Sica。前者曾參與多個網絡頻道，如「CapTV擷電視」、「啱Channel」等等為人熟悉，亦有拍攝電視劇、廣告及MV，多年來活躍於幕前。Jackie因為好緊張加無自信，面試唱歌時突然流淚，又提到今次參加是想令自己變得更加有自信，導師梁祖堯和許廷鏗（Alfred）都覺得佢好努力，梁祖堯更讚：「你係少數人可以畀到正能量我哋嘅人，好好利用你嘅特點。」Jackie正式表演唱歌《A Day With Me》又加入戲劇元素，評判朱栢康都讚Jackie聰明搵啱歌，因為可以避過自己缺點。

而Jackie的對手是非常鍾意日系二次元文化的Sica，她以日本學生妹look彈吓彈吓咁出場唱跳《心急人上》，大跳日系宅舞，梁祖堯一直明言唔鍾意佢，最後她以兩盞藍燈成功晉級，Jackie則落入淘汰區。結果令兩位導師非常不滿，所以冇主動作出選擇，最後由評判鄭融強制將Sica加入到梁祖堯隊伍，令祖堯嬲到鬧鄭融做八婆，好好笑。

網民對賽果亦好不滿，紛紛留言Jacike嘅IG戥佢唔抵，「輸畀個女僕真心唔抵」，又留言希望Jackie可以復活，連前「啱Channel」創辦人熱血肥仔亦有為Jackie打氣。