谷婭溦打空針後病足個多月 打第3針想做直播搵人陪

谷婭溦、黃妍和Nowhere Boys今日在將軍澳電視城為TVB的《勁歌金曲》做表演嘉賓，谷婭溦自爆因病致狀態不好，對自己表現不收貨，故要求重唱。她透露已病足個多月，早前更失聲，要拔罐和刮沙調理身體，她說：「自從嗰件事（打空針）後身體一直比較差，自己會想郁動多啲，其實我一向好積極做運動，因為對身體好。（打第3針點算？）打針唔係問題，但可能搵多幾個人陪我一齊，或者做手機直播，唔好打我空針就得。（休養多啲？）我覺得乜都唔做反而仲差，有工作做，個人會積極啲。」

另外，糖妹表示除主持《勁歌》外，近日同時拍《四十二章經》以及《法證先鋒V》，笑言可能監製看《勁歌》時想起她，始終是多了曝光機會。提到《勁歌》播出時間多次變動，糖妹相信是暫時性，因為要遷就台慶，據她所知之後還會有變化，現在和好多唱片公司合作，相信不會長期縮減至5分鐘，而她亦會繼續做主持：「大家聽到減到5分鐘好緊張，證明係有人留意嘅。」