拳王│姚子羚為演女強人剪掉留了6年長髮 蔡潔重拍喊戲緊張失眠

TVB台慶劇《拳王》將接檔《星空下的仁醫》、於11月23日（周二）起播出。為了令擂台惡鬥更具說服力，一眾男演員包括黎耀祥、張振朗、朱敏瀚及譚俊彥等，齊齊付出二百分努力減磅、節食及操肌為求演好角色；但除了一眾男演員，女主角們為了演活劇中人物，亦是花了二百分努力尋求突破及蛻變。

姚子羚（Elaine）以往多飾演較柔弱角色，這次監製陳耀全（Andy）要她演外柔內剛女強人雷堅，並釋放名媛氣場；為更配合角色，Elaine要將留了長達六年的頭髮剪短，並拍片紀念。Elaine笑言當刻真的很捨不得：「但我覺得係需要，角色係硬朗嘅，喺聯會要同一班拳館嘅男人爭，剪完後覺得自己好似變咗另一個人咁。」談到角色最大難度，她笑言是黎耀祥：「我同祥哥喺劇入面都係高手，所以過招時情緒起伏未必可以好大，好多時只能靠眼神或一啲細微位去演；同埋我好希望可以同祥哥擦出到火花。」Elaine又謂由於劇中有個「非實體存在」老公，故拍攝時不但考驗演技，更需要發揮無限想像。

同樣因劇中角色與「髮」結緣的還有賴慰玲（Winki），以往多飾演有個性兼不修篇幅角色，這次將演繹對外表一絲不苟的女主播文善言，散發無限女人味。Winki笑言全靠整個劇組均對其髮型很謹慎：「Andy有提醒過大家要注意我嘅頭髮，一定要直；但其實只要有一丁點風吹過啲頭髮都會亂，所以一丁點嘅風都會令大家好緊張。」Winki笑指祥仔與振朗也有加入「頭髮監察小組」：「有日祥哥話佢咁啱個袋有把梳，幫我梳咗幾吓，我諗咗好耐點解會咁啱？可能係唔想我阻大家收工，哈！又有一日，張振朗拎住我把梳跟住我梳，搞到全場大笑，嗰吓我先發覺，我嘅頭髮原來有幫大家放鬆嘅作用。」

至於蔡潔飾演與自己性格背道而馳的任性驕縱角色，蔡潔坦言開拍初期大感忐忑：「圍讀嗰陣大家都話未得，但我已經覺得自己好任性，但江家晴原來係我蔡潔三倍咁任性，所以要臨時調整番。」蔡潔又坦言《拳王》的喊戲，是她拍過最難的喊戲：「我本身好Tough，喊對我嚟講唔易，但江家晴係大情大性，佢喊嘅程度係我四至五倍。所以有場喊戲我要重拍，搞到我好多晚瞓唔到。」蔡潔指全靠張振朗等鼓勵，她才成功克服該個場口：「佢安慰我重拍好正常，之前為咗幫我適應，又帶我喺公司行Tour。」