韓子亮聖誕願望想再出唱片 修心養性閉關錄夠新歌

韓子亮（TL）日前獲邀出席聖誕節活動，由導師教導製作聖誕樹吊飾，TL親手DIY了一個吊飾，揀選用了紫、黃、藍底色，他開心道：「好好玩，我好少做呢啲手作仔，對上一次我諗已經係N年前讀書年代喇！今次有返當年上勞作堂嘅感覺。我會好珍惜呢個吊飾，可能搵日搞個粉絲聚會，送畀幸運嘅Fans。」

今年聖誕節TL會留港工作，談到聖誕願望，他笑說：「我啲願望好實際㗎！好想出到第二隻大碟。我等咗兩年，處男大碟終於喺2019年尾逆市下推出咗，所以我覺得𠵱家係時候可以再出碟，我𠵱家都已經夠晒歌，但我想再完善啲，籌備時間耐啲都冇所謂，希望我啲Fans畀多啲耐心等我。」