韓子亮被國際音樂人ZIGHT欽點合作 新歌獲讚唱得好滿意

入行5年嘅歌手韓子亮(TL)熱愛唱歌，多年嚟嘗試唔同歌路，2018年推出《Party With TL》被瘋傳，喺YouTube累積咗66萬點擊率，成績相當唔錯。最近TL為新歌《Everybody Keep Running》進行錄音，呢首歌係Featuring香港音樂人ZIGHT（邱耀鋌）。TL早已欣賞ZIGHT，今次獲邀唱中文版《Everybody Keep Running》感到相當興奮。

本地音樂人ZIGHT曾與英國本土歌手Peter Forest合作歌曲《Everybody keep running》受到關注，再下一城與Disney電影《灰姑娘》主唱兼英國著名女歌手Sonna Rele合作嘅歌曲《Fly away》，喺YouTube點擊率高達近70萬次，成功衝出香港進軍國際市場。不過，有感於係香港人，ZIGHT希望自己嘅作品能讓港人認識，故他決定喺香港、英國兩地一齊發展，而《Everybody Keep Running》係ZIGHT在港第一首派台作品，並欽點跟TL合作，改上中文歌詞由TL演繹，他做歌曲監製。

對此，TL視為大挑戰：「呢首歌原先係出咗英文版先，歌曲喺外國都好多報道，所以自己有幸可以參與今次嘅合作都感覺新鮮，而且好大考驗，尤其做電子音樂要唱廣東話歌詞係好困難，係唱歌以嚟最難嘅一次，亦算係最認真嘅一次，不過監製ZIGHT都話非常滿意。」