Master Joe當年為譚玉瑛唔收騷錢 黎芷珊爆鄭伊健「小秘密」

TVB綜藝節目《童你一起長大了》今（7日）晚播出的第五集，以「一童長知識」為主題，盤點歷年兒童節目主持的「知識王」，並分別請來Master Joe、張美妮、伍文生、Patrick Sir、余德丞及林希靈擔任嘉賓。
以頂級科學知識風靡萬千小朋友的Master Joe（游莨維），直到今時今日仍對自己的「科技通」身份相當難忘，當走入服裝間重穿戰衣，和提及最後一日錄影的細節時，Master Joe均感觸泛淚：「當我知道呢個世界上再冇Master Joe時，個心好似冇咗一忽咁。最後一日錄影，我拍兩、三個Shot就喊，所以拍咗好耐。」他又大爆當年想力邀譚玉瑛飾演Master Joe從未現身的「恩師」，可惜遭工作人員反對：「阿譚嘅Show好貴㗎！」為了圓夢，Master Joe當時竟提出自動「減薪」：「我聽完即刻話咁我三個騷都唔收錢，將我啲Budget畀晒譚玉瑛吖！冇機會同佢合作我真係好遺憾。」最終，Master Joe獲製作組安排即場圓夢，場面感人。

是集繼續有「空中暢遊」環節，除了有3位主持、嘉賓李佳芯與一眾小朋友玩遊戲、共度歡樂時光的畫面外，更會盤點歷年空中暢遊大使與小朋友互動的珍貴場面，包括：陳慧琳、古巨基、Twins、2R、黎瑞恩、陳松伶等。
黎芷珊今集還會透露一個關於鄭伊健的小秘密：「《430穿梭機》有個環節要報告康文署嘅活動，伊健係最怕做呢一Part，佢每次都會好緊張，係咁NG，前一晚仲會失眠！」