全民造星IV｜欧阳巧莹胞妹Bubu跳辣舞吓亲评判惨输俾女高音阿Mic

2021-11-05 23:45

以打造全新女团为目标的《全民造星IV》今晚播出第5集，终于有艺人胞妹出场，就是欧阳巧莹妹妹，25岁的Bubu同参加过《造星III》的23岁阿Mic。Bubu一出场已经与众不同，因为佢嘅身形大过阿Mic成个码，不过佢已经激减咗26磅。因为身形问题，令Bubu一向冇咩自信。

第一回合，Bubu就选择跳性感辣身舞，大展自信。跳完之后，DJ Donald都有赞佢眼神好有魅力，不过朱栢康就似乎唔太锺意Bubu表演，「你选择呢种舞其实好危险，你嗰种性感有啲尴尬，我就会即刻跳咗出嚟。」

Bubu对手阿Mic原来曾经参加过上年《造星III》，可惜第一轮已被Foul。阿Mic唱功非常厉害，面试时成功吸引许廷铿（Alfred）注意。第一回合，阿Mic就选择咗一首音乐剧歌《Don't rain on my parade》，一开口就吓窒所有人，又不停唱高音，好似入咗主题公园咁。阿Mic唱完就即刻获DJ Donald开口大赞：「好劲喎你，好夸张喎，点解你唱得咁劲嘅，好厉害喎你。」不过两位导师就觉得佢好闷。最终阿Mic以三盏红灯晋级60强，并加入梁祖尧队伍。Bubu则落入淘汰区，虽然Bubu输咗，但好多网民都大赞佢好靓女。