全民造星IV｜重讀生子涓搞喊鄭融互攬 網民狂插評判唔專業
2021-11-02 23:45 
《全民造星IV》以打造女團為主，今日播出第二集，評判由朱栢康、DJ Donald和鄭融擔任，今集首先出場係去年參加過《造星III》的26歲子涓對戰25歲中醫診所助理陳祖。曾經是女團BINGO成員的子涓在《造星III》表示畀錢跟前公司解約，對女團無興趣希望Solo，所以今屆面試時，花姐見到佢就問：「你曾經係女團，跟住你唔鍾意，你想自已Solo，但你而家同我講你想做女團？」不過上年客席導師，今屆導師梁祖堯與上年A組導師林二汶都非常關心子涓，希望子涓今年能夠成功。
子涓在跳唱欣宜的《@princejoyce》時，對子涓再參賽一直有意見的花姐都爆咗句：「其實我覺得佢有資格出道。」而子涓表演期間，評判鄭融已經眼濕濕，子涓唱完鄭融直頭喊出嚟，鄭評判表示：「我真係睇到你進步同埋見到你脫胎換骨。」之後子涓仲主動走去同鄭融攬攬，畫面好似好溫馨，但網民就唔係咁睇。討論區大量討論子涓攬鄭融一幕，「佢知唔知佢做緊評判？」「專業少少啦，90幾個參賽者望住你㗎。」仲有好多網民戥子涓對手陳祖唔抵。
最後唱《做人一定要養貓》的陳祖以三盞藍燈輸畀子涓落入淘汰區，而導師許廷鏗（Alfred）亦被阿祖情緒勒索無奈撳燈，子涓成功晉級並加入Alfred隊伍。
關鍵字
最新回應