全民造星IV｜偽韓妹DAY自稱零演出經驗 其實係KPOP舞團成員經常比賽
2021-11-04 23:15 
今集《全民造星IV》出場嘅有19歲許軼(Day)，佢面試時就自稱係港版LISA加JENNIE，又透露自已曾經喺韓國做過半年練習生。不過面試表演就頻頻出錯，又跌咪又唔記得自己要唱咩歌又忘詞，但都成功得到導師注意。
Day正式比賽揀選跳唱欣宜的《罰你》，佢喺台上非常有自信，又識捉住鏡頭，表現好專業。三位評判睇完都大讚，DJ Donald直言：「我覺得佢好ready啦，冇演出經驗都做到佢做嘅嘢，咁我覺得好嘢。」最後Day成功以兩盞紅燈晉級，並進入許廷鏗（Alfred）隊伍。
不過Day喺簡介自稱自己冇演出經驗，但睇返佢嘅社交平台，發現佢係Cover Kpop的香港舞團BRIGHTEN成員之一，舞團亦曾經到校園演出，亦曾參加唔少比賽，絕對唔係佢所講嘅冇演出經驗。另外，Day嘅生活照都有濃濃嘅韓味，似乎冇咩個人特色，亦有唔少網民懷疑佢整過容。
關鍵字
最新回應