全民造星IV│Yanis上堂瞓覺都入到港大 IG暗示單身渴望戀愛
2021-11-05 18:45 
昨晚（4日）於《全民造星IV》與許軼（Day）對決的94號參賽者吳欣諺（Yanis），雖然未能即時晉級，要到復活區等待。但表演前也被導師許廷鏗（Alfred）大讚，直指幾鍾意Yanis，睇嚟復活有望。
在比賽時大唱《明愛暗戀補習社》，青春又可愛的Yanis成功吸引網民目光。她昨晚收看節目直播時，聽到《明愛暗戀補習社》的歌詞「AB君誰又會待我最好」，都不禁概嘆：「我嘅AB君到底喺邊度？」看來這位少女很渴望戀愛。
而她也於IG限時動態回應支持者，有網民指她演繹到學生在課室時的青春活力，Yanis則反駁：「我都冇見過自己咁青春活力嘅一面，真實嘅中學生唔係咁㗎！上堂瞓覺唔會無啦啦彈起身跳舞。」想不到Yanis身為傳統名校聖士提反書院畢業生都會上堂瞓覺？不過此舉似乎對她冇影響，事關她現在已經是香港大學生物醫學系新生，讀到書仲有時間玩唱歌跳舞，真係幾叻女！
關鍵字
最新回應