鄧月平皮膚敏感慘變「豬頭」 教應急秘方一飲即退

現年23歲嘅「宅男女神」鄧月平，擁36F驕人身材，不時喺社交網大派軍糧，不過日前佢開工就受到皮膚敏感煩擾，好彩有位中醫朋友曾向佢推介一條小偏方，佢亦大方分享兼即場「飲勝」。

鄧月平上載幾張相片，見佢臉頰有少少紅點同微微腫脹，佢就即刻拎起支紅醋飲兩啖，留言話：「飲勝，一敏感，發風瘌。無敏感藥係身邊，即刻飲紅醋效果都係一樣！」

鄧月平仲上載一張腫到變「豬頭」兼爛臉嘅相，當時喺內地冇敏感藥傍身，搞到開唔到工，幸獲中醫朋友推介飲醋秘方：「紅醋大概兩湯匙份量，沖熱水或者直接飲都得，飲完大概15分鐘身體就冇咁熱，敏感就會慢慢退。如身邊朋友冇藥或唔想食藥，都可以試一試，真係幾好嘅小秘方。」